“მათ შეეძლოთ ღიად, გამჭვირვალედ ჩაეტარებინათ ტენდერი, მაგრამ, მერიამ გადაწყვიტა ავარიული სახლების მცხოვრებთა ხარჯზე მოითბოს ხელი. ეს არის დანაშაული! ჩვენ მივმართავთ შესყიდვების სააგენტოს, რომ სასწრაფოდ შეწყვიტოს მერიამ ტენდერი. ასევე მივმართავთ პროკურატურას, რომ ვინაიდან ტენდერი არის კორუფციული და დანაშაულებრივი, ხოლო ქალაქის მერს მოვუწოდებთ, გამჭვირვალედ წარმართოს აღნიშნული პროცესი“ – აცხადებს ბათუმის მერიის საკრებულოს წევრი „ნაციონალური მოძრაობიდან“ – რეზო ხარაზი.
უკვე დიდი ხანია, „ნაციონალური მოძრაობა“ ბათუმის მერს ავარიული სახლების რეაბილიტაციისთვის გამოცხადებული ელექტრონული ტენდერის გამო აკრიტიკებს. ხარაზის განცხადებით, თითქმის სამ მილიონიანი ტენდერი აუქციონის გარეშე გამოცხადდა, სადაც არ არის მითითებული თუ რომელ ავარიულ სახლს უნდა ჩაუტარდეს რეაბილიტაცია. შესაბამისად, ჩნდება ეჭვი, რომ კომპანიებიც შერჩეულია და ხარაზის მტკიცებით, ეს მორგებულია ,,ქართული ოცნების,“ და არა ქალაქის ინტერესებზე.
„ნაციონალური მოძრაობა“ ტენდერი დაუყონებლივ შეწყვეტას ითხოვს და ამისთვის აპირებს მიმართოს პროკურატურას.
ბათუმის ავარიული სახლების ტენდერის გამო „ნაცმო“ პროკურატურას მიმართავს
