„მთავარი არხის“ გენერალური დირექტორი ნიკა გვარამია ნაწილობრივ დამნაშავედ ცნეს სამსახურეობრივი უფლებამოსილების ბოროტად გამოყენების ორ ეპიზოდში. მას სახით თავისუფლების აღკვეთა 3 წლითა და 6 თვით შეეფარდა. კერძოდ, გვარამია ცნობილი იქნა, სამსახურეობრივი უფლებამოსილების ბოროტად გამოყენების ორ ეპიზოდში, რომელიც „პორშესა“ და 6 მილიონ 700 000 ლარის გაფლანგვის ეპიზოდს ეხებოდა.
„ინტერმედია პლიუსის“ დამფუძნებელი ზურაბ იაშვილი სისხლის სამართლის კოდექსის 221-ე და 322-ე მუხლებით უდანაშაულოდ იქნა ცნობილი. მას გამოძიება ტელემაუწყებლობის ხელში ჩაგდებას და ბლოკირებას ედავებოდა. რაც შეეხება მესამე პირს, კახა დამენიას, მას ჯარიმა 50 000 ლარი დაეკისრა. გადაწყვეტილება მოსამართლე ლაშა ჩხიკვაძემ გამოაცხადა.
მთავარი არხის გენერალური დირექტორის დაპატიმრებას მწვავე რეაქცია მოჰყვა გვარამიას მხარდამჭერებისა და თანამოაზრეების მხრიდან, რომლებიც დილიდან იმყოფებოდნენ თბილისის საქალაქო სასამართლოს ეზოში. დაცვის მხარე მოსამართლის დღევანდელ გადაწყვეტილებას სააპელაციო სასამართლოში გაასაჩივრებს.
