ბათუმის ცენტრში – დემეტრე თავდადებულის და ილია ჭავჭავაძის ქუჩების კვეთაზე ახალი სკოლა აშენდება. ამასთან დაკავშირებით ტენდდერი უკვე გამოცხადდა. პროექტის ჯამური ღირებულება 7 418 283 ლარია.
საპროექტო დოკუმენტაცია კონკურსის წესით შეირჩა, რომლის მიხედვითაც უნდა აშენდეს სამსართულიანი, სრულიად ადაპტირებული სკოლის შენობა, რომელიც გათვლილია დაახლოებით 1 400 მოსწავლეზე . საკლასო ოთახების გარდა, სკოლაში განთავსდება სპორტული და სააქტო დარბაზები, ბიბლიოთეკა, სხვადასხვა დანიშნულების სათავსები. მოეწყობა ღია მოედანი. სამუშაოები გამარჯვებულის გამოვლენიდან 30 თვეში უნდა დასრულდეს.
