„კეთილმოწყობის სამართველოს დაკვეთით მიმდინარეობს ჩამონგრეული კორპუსის დემონტაჟი 26 მაისის ქუჩა #13-ში. აღნიშნულ სამუშაოებს ასრულებს შპს „საპროექტო-სამშენებლო ჯგუფი“ – აცხადებენ ბათუმის მერიაში, რომელმაც აღნიშნულ კომპანიასთან ხელშეკრულება ტენდერის გარეშე გააფორმა.
სამუშაოების ღირებულება შეადგენს 560 000 ლარს. დასრულების ვადად განსაზღვრულია მიმდინარე წლის 27 ივნისი.
ცნობისთვის, 2021 წლის 8 ოქტომბერს 26 მაისის ქუჩა #13-ში მოხდარ ტრაგედიას 9 ადამიანის სიცოცხლე ემსხვერპლა, რომელთაგან 3 ბავშვი გახლდათ.
26 მაისის ქუჩა #13-ში ჩამონგრეული კორპუსის დემონტაჟი 560 000 ლარი დაჯდება
