დღეს, ბათუმში შუალედური არჩევნები დაიწყო. მოსახლეობა ბათუმის მე-4 ოლქში საკრებულოს წევრს აირჩევს. ცნობისთვის, ბათუმის გარდა შუალედური არჩევნები ჩატარდება რუსთავში და გარდაბანში, სადაც პარლამენტის მაჟორიტარ დეპუტატს აირჩევენ.
ბათუმში კენჭისყრა ელექტრონული ტექნოლოგიების გამოყენებით განხორციელდება, რაც იმას ნიშნავს, რომ ხმის მიცემა და დათვლა ელექტრონული საშუალებებით იქნება შესაძლებელი. თოთხმეტ საარჩევნო უბანზე პირველად იქნება გამოყენებული ამომრჩეველთა ვერიფიკაციის აპარატი.
შუალედურ არჩევნებზე ერთმანეთს „ქართული ოცნების“ წევრი რამაზ ჯინჭარაძე და „ნაციონაური მოძრაობის“ წევრი მათე ფუტკარაძე დაუპირისპირდებიან ერთმანეთს.
რუსთავისა და გარდაბნის მაჟორიტარობის კანდიდატები არიან – „სოციალური სამართლიანობისათვის“ წევრი მამუკა ტუსკაძე, „ქართული ოცნება – დემოკრატიული საქართველოს“ წევრი ირაკლი შატაკიშვილი და „საქართველოს ერთობისა და განვითარების პარტიის“ წევრი კამალ მურადხანოვი.
ბათუმში შუალედური არჩევნები დაიწყო!
