სკანდალურად ცნობილი ედვარდ სნოუდენი მსოფლიო მოსახლეობას აფრთხილებს პოსტკოვიდური ტოტალური რეჟიმის შესახებ. მისი ვერსიით, მთავრობებს სჭირდებათ კორონავირუსი ე.წ. „გლობალური დათრგუნვის სისტემის“ შესაქმენლად.
„მომავალი შეიძლება გაურკვეველია, მაგრამ გლობალური პანდემია – არა! პლანეტის ყველა მთავრობა გაფრთხილებულ იქნა იმის შესახებ, რომ რაღაც მომენტში ვირუსული პანდემია მთელ დედამიწას მოიცავდა. მიუხედავად ამისა, მათ ვერ მოახერხეს მომზადებული შეხვედროდნენ ახალ კორონავირუსს“ – აცხადებს სნოუდენი.
მისი აზრით, ეჭვს იწვევს ის ფაქტი, რომ თითოეული მეცნიერი, მკვლევარი, რომლებიც თვალს ადევნებდნენ კორონავირუსის გავრცელებას, იცოდნენ მოსალოდნელი პანდემიის შესახებ. ექსკლუზიურ ინტერვიუში VICE-ს თანადამფუძნებელთან შეინ სმიტთან ედვარდ სნოუდენმა „სისტემის ღალატის“ შესახებ ისაუბრა.
არაფერი არ არის საზოგადოებრივ ჯანდაცვაზე ადვილად განსაჭვრეტი, დარწმუნებულია სნოუდენი. ყველამ იცოდა, რომ მდგომარეობა პანდემიისკენ მიდიოდა. სპეცსამსახურებმაც, იგივე ჩინეთის მთავრობამ, რომელიც შეეცადა დასავლელი ჟურნალისტები გაეყვანა ქვეყნიდან პირველი ტალღის დაწყებამდე.
„გრჩებათ შთაბეჭდილება, რომ კორონავირუსი შეეხო სამოქალაქო თავისუფლებას და პირადი ცხოვრების ხელშეუხებლობას?“ ჰკითხა შეინ სმიტმა სნოუდენს. ამაზე ედვარდ სნოუდენმა უპასუხა: „ავტორიტარიზმის გავრცელებასთან ერთად, საგანგებო ვითარების შემოღებას ქვეყნებსა და ქალაქებში, მსხვერპლად ეწირება არა მარტო ჩვენი უფლებები, არამედ ნებაყოფლობით უარს ვამბობთ თავისუფალ სამყაროზე. მართლა გჯერათ, რომ როცა ჩაივლის მეორე ტალღა, მესამე ტალღა… მეთექვსმეტე ტალღა, მთავრობების მიერ მოპოვებული ურთიერთქმედების ალგორითმები არ იქნება შენარჩუნებული? არ აქვს მნიშვნელობა, როგორ გამოიყენებენ ისინი ამას… ის, რაც დღეს შენდება – ეს არის ხვალიდენლი დამორჩილების და დათრგუნვის სისტემა“.
