ბათუმის რესპუბლიკურ საავადმყოფოში დაპირისპირებისა და დაჭრის ფაქტზე 5 პირი დააკავეს. დაპირისპირების შედეგად, ორი ადამიანი – ქალი და კაცი ცივი იარაღით მუცლისა და ბარძაყის არეში დაჭრეს. არსებული ინფორმაციით, საავადმყოფოსთან დაპირისპირება პაციენტების მნახველებს შორის მოხდა. დაშავებულები ამ დრომდე საავადმყოფოში ღცებიან, მათ ოპერაცია ჩაუტარდათ, თუმცა ექიმების განცხადებით მათ ჯანმრთელობას საფრთხე არ ემუქრებათ. შინაგან საქმეთა სამინისტროს ინფორმაციით დაჭრის ფაქტზე პოლიციამ ხუთი პირი დააკავა. უწყების ცნობით, გამოძიება სსსკ-ის 117-ე (ჯანმრთელობის განზრახ მძიმე დაზიანების), 236-ე ( ცეცხლსასროლი იარაღის მართლსაწინააღმდეგო შეძენა-შენახვის) და 239-ე (იარაღით ჩადენილი ხულიგნობის) მუხლებით მიმდინარეობს. დანაშაული 4-დან 7 წლამდე თავისუფლების აღკვეთას ითვალისწინებს.
რესპუბლიკურ საავადმყოფოში მომხდარი დაჭრის ფაქტზე 5 ადამიანი დააკავეს
