6-9 დეკემბერს, წინასაახალწლოდ ათასფრად ანთებული ქ. ბაქო ვირტუოზ მუსიკოსებს სამი ქვეყნიდან ასპინძლობდა.
ჰეიდარ ალიევის სახ. საერთაშორისო მუღამ–ცენტრის დიდ საკონცერტო დარბაზში კლასიკური მუსიკის ნამდვილი ზეიმი გაიმართა.
კონკურსი საქართველოსა და აზერბაიჯანს შორის გაფორმებული კულტურული მემორანდუმის ფარგლებში მოეწყო, საქართველოს ხელოვანთა კავშირის „ხელოვანები მომავლისთვის“ და ბაქოს ბიულ–ბიულის სახ. სპეციალიზირებული სამუსიკო სასწავლებლის ეგიდით.
„მომავლის ვარსკვლავები“ ქ. ბაქოში, აზრბაიჯანის კულტურის და განათლების სამინისტროს მხარდაჭერით, წელს უკვე მესამედ ჩატარდა და ამჯერად, საქართველოსა და აზერბაიჯანის გარდა თეირანის კონსერვატორიის 
მუსიკოსებსაც მასპინძლობდა. 
ჟიურის ხელმძღვანელობდა საქ. ხელოვანთა კავშირის თ–რე, პიანისტი, ღირსების ორდენის კავალერი, „მომავლის ვარსკვლავების“ დამფუძნებელი ნინა კუპატაძე, რომელსაც თანათავმჯდომარეობას უწევდა კავშირის ოფიციალური პარტნიორი აზერბაიჯანში – ბიულ–ბიულის სახ. სპეციალიზირებული სამუსიკო სასწავლებლის დირექტორი, სახ. სიმფონიური ორკესტრის დირიჟორი, სახალხო არტისტი, პრეზიდენტის ღირსების ორდენის მფლობელი ტეიმურ გეოკჩაევი. სწორედ სასწავლებლის დაარსებიდან 90 წლის იუბილეს მიეძღვნა წელს კლასიკური მუსიკის კონკურსი „მომავლის ვარსკვლავები“.
საზეიმო გახსნის ცერემონიაზე სასულე ორკესტრის მიერ გაჟღერდა ორი ქვეყნის, საქართველოს და აზერბაიჯანის ჰიმნი და თბილისის სახელმწიფო კონსერვატორიის პროფესორის ნინო ქათამაძის მიერ ბრწყინვალედ შესრულებული შოპენი, რასაც ხანგრძლივი ოვაციები მოჰყვა დარბაზში.
საერთაშორისო ჟიურიმ ასზე მეტი კონკურსანტიდან საუკეთესო 15 შეარჩია, მათ შორის პირველობა ქართველმა პიანისტებმა და ფლეიტისტებმა მოიპოვეს, ხოლო ინსტრუმენტალისტებს შორის გამარჯვება აზერბაიჯანელებს ერგოთ წილად. გრან–პრი ქართველ პიანისტს ცოტნე სიდამონიძეს და აზერბაიჯანელ კლარნეტისტს Pashazade Mahhamadali– ს გადაეცა.
Sure Hasanli – 1 st prize Az
Ana Gogoladze – 1 st prize Geo
AsimRzazade – 1 st prize Az
Tamar Daraselia – 1 st prize Geo
GiorgiKhupenia – 1 st prize Geo
Tamar Maglakelidze – 1 st prize Geo
RufatMammadov – 1 st prize Az
KamilHuseynzade – 1 st prize Az
Saba Tskhovrebadze – 1 st prize Geo
Saba Mikeladze – 1 st prize Geo
GiorgiShiolashvili – 1 st prize Geo
VaqifQurbanov – 1 st prize Az
KenanMamedzade – 1 st prize Az
YelizavetaKizel – 1 st prize Az
EerolRzayev – 1 st prize Az
